Димитриевски и Валенсија победија во луд меч со седум гола и заверија опстанок! (ВИДЕО)

17 мај 2026 - 21:57

Валенсија со 4-3 славеше на гостувањето кај Реал Сосиедад во меч со пресврти, а имаа и играч помалку, ова значеше и заверка на опстанокот на тимот на Димитриевски.

Македонскиот голман денеска прими три гола, но Валенсија успеа да оствари важна победа и на коло пред крајот да ја оствари целта за оваа сезона.

Сосиедад поведе уште во третата минута со гол на Муњоз, но брзо следуваше пресврт. Пет минути подоцна Герера погоди за 1-1, а потоа реализираше и Дуро за водство на Валенсија од 2-1.

Во второто полувреме следуваше нов пресврт, Тарега си постигна автогол за 2-2, а Оскарсон погоди за 3-2 за Сосиедад.

Ситуацијата на Валенсија стана уште посоложена во 70. минута кога Комерт заработи црвен картон.

Но, и покрај тоа, со голови на Родригез во 89. минута и Гуерара во 93. минута, Валенсија направи уште еден пресврт и дојде до победа.

Во истиот термин играше и Реал Мадрид кој со гол на Винисиус ја победи Севиља на нејзин терен со 1-0.

Со тој резултат триумфираше и Атлетико Мадрид над Жирона.