Дејвис го „откачи“ Реал и потпиша нов договор со Баерн Минхен!

04 февруари 2025 - 19:48

Левиот бек Алфонсо Дејвис долго време беше на листата со желби на Реал Мадрид, но шпанскиот гигант на крајот остана со празни раце затоа што фудбалерот реши да го продолжи договорот со Баерн Минхен.

Дејвис беше главна тема во медиумите и се шпекулира дека на лето ќе замине бесплатно во Мадрид, но фудбалерот ги изненади сите откако стави потпис на нова соработка со баварскиот гигант.

Новиот договор на Дејвис во Баерн ќе трае до 2030 година, па така гигантот од Минхен ќе задржи еден од најважните играчи.