„Чиста мрежа“ за Димитриевски, Валенсија освои бод против Атлетик Билбао

17 октомври 2026 - 22:58

Фудбалерите на Валенсија и Атлетик Билбао си поделија по еден бод (0-0) во деветтото коло од Ла Лига, додека македонскиот голман Столе Димитриевски запиша уште една „чиста мрежа“ во шпанскиот шампионат.

Првото полувреме помина израмнето, односно двете екипи имаа по седум шанси, при што само еден удар заврши во рамки на голот на Димитриевски, меѓутоа Македонецот запиша одбрана.

Валенсија ја презема иницијативата во вториот дел и често се закануваше кон голот на гостите, но ниту една од деветте шанси не ги претвори во гол.

По девет одиграни кола, Валенсија е на 19. позиција во Ла Лига со шест бодови, додека Атлетик Билбао има девет поени и се наоѓа на деветтото место.

Фото: Facebook/Valencia C.F