Челси продаде уште еден фудбалер за 33 милиони евра

04 август 2025 - 17:28

Премиерлигашот Челси продолжи со продажба на фудбалерите кои не му се потребни за новата сезона, па така денеска си замина Кирнан Дузбери-Хол.

Англичанецот го напушта „Стемфорд Бриџ“ и се сели во Евертон, кој ќе треба да плати вкупно 33 милиони евра за услугите на фудбалерот.

Екипата од „Гудисон парк“ најпрво ќе исплати 28 милиони евра, а потоа уште пет милиони преку различни бонуси.

Челси претходно ги продаде Ѓорѓе Петровиќ, Нони Мадуеке, Жоао Феликс, а наскоро се очекува да заминат и Рахим Стерлинг, Кристофер Нкунку, Аксел Дисаси, Бен Чилвел и други.

Фото: Facebook/Chelsea FC