Цените на влезниците за Ел Класико – пепел: Најевтината чини 499 евра

21 април 2026 - 09:28

За три недели на Камп Ноу се игра можеби најважниот натпревар во сезоната во Ла Лига бидејќи Барселона ќе го пречека Реал во третото Ел Класико, меч што може да го одлучи новиот шампион на Шпанија.

Каталонскиот клуб ги одреди цените на влезниците, а одлуката предизвика разочарување кај навивачите бидејќи тие се на највисоко ниво досега. Најевтиниот билет чини 499 евра, стандардните се од 1.750, а во ВИП се 2.250 евра. И покрај важноста на натпреварот, никој не очекуваше цените да бидат толку високи.

Барселона, практично, цела сезона, односно од враќањето на Камп Ноу има високи цени на билети. Причината за тоа е што најгорните прстени на стадионот уште се во изградба, а таму традиционално се најниските цени. Така ќе биде и во добар дел од идната сезона, додека не се комплетира целосно Камп Ноу.