Бура во Шпанија: Јамал почнал да наплаќа за давање автограм!

Според пишувањето на „Мундо Депортиво“, фудбалерот прифатил понуда од специјализирана интернет-платформа за колекционери, преку која ќе може да се купи негов потпис. Фудбалерот смета дека на тој начин ја следи логиката на капитализмот и дека има право да ја искористи својата слава за дополнителна заработка. Новата одлука подразбира дека Јамал повеќе нема бесплатно да потпишува дресови или топки, а бројот на автограми ќе биде строго ограничен за да им се зголеми вредноста. Со тоа, младиот играч планира да заработи уште неколку милиони евра.

Иако ваквата пракса не е непозната во спортот, таа е речиси без преседан во Европа. Во САД, слични примери постојат одамна – како Леброн Џејмс и Лионел Меси, кои преку вакви договори заработуваат и до 15.000 долари по потпис.