Буџетот за плати на Наполи порасна за 45 проценти и е на рекордно ниво во историјата

Зголемувањето на расходите на плати е дел од новата стратегија за утврдување на клубот како еден од факторите во европскиот фудбал. По успехот во Серија А минатата сезона, амбициите на сопственикот Аурелио де Лаурентис драстично пораснаа, па тој се одлучи на нов чекор кој го носи Наполи на сосема ново ниво.

Растот на расходите е резултат на трансферите на неколку високо профилни фудбалери и продолжување на договорите на постоечките. Ромелу Лукаку има плата од шест милиони евра, Скот Мектоминеј три милиони, а новите летни засилувања Кевин де Брујне и Расмус Хојлунд ќе заработуваат над пет милиони евра по сезона. Тука е и Елиф Елмас кој летово се врати во клубот со кого има една титула во Серија А.