Брентфорд во ефикасен натпревар го совлада Бормут, реми на Вест Хем и Евертон (ВИДЕО)

09 ноември 2024 - 17:58

Во терминот од 16:00 часот во Премиер лигата се одиграа четири натпревари, а највозбудливо беше на средбата Брентфорд - Бормут која заврши со победа од 3-2 на домаќините.

Резултатот беше отворен по 17 минути кога Еванилсон ја погоди мрежата, но за израмнување се погрижи Виса десет минути подоцна.
Со по еден гол и на двете страни се замина на паузата. На самиот старт во вториот дел Клјаверт стрелаше за второ водство на гостите.  Сепак набрзо дојде до целосен пресврт.

Само минута по голот на Холанѓанецот Дамсгарт носи израмнување, а во 58. минута Виса со својот втор гол носи предност за домашниот тим. На крајот тој резултат се покажа и како конечен.

На останатите три средби Вулвс со 2:0 беше подобар од Саутемптон, Фулам на гости го совлада Кристал Палас со истиот резултат, додека без голови заврши средбата Вест Хем - Евертон.