Борусија и Баерн за првиот трофеј во сезоната: Дер Класикер за Суперкупот

Ова ќе биде десетти меѓусебен дуел на двата гиганти во историјата на Суперкупот. Баерн досега има пет победи, додека Борусија славела четири пати. Баварците влегуваат со подобра традиција и во последните меѓусебни пресметки – непоразени се во четири последователни натпревари, а во последните 16 дуели имаат само еден пораз.

Борусија во летниот преоден рок претрпе значителни промени. Тимот го напуштија Карим Адeјеми и Јулијан Брант, а пристигнаа неколку млади и перспективни фудбалери, меѓу кои Константинос Карецас, Јоанис Константелиас и Жоан Гаду, како и искусниот играч за врска Џои Ферман. Тренерот Нико Ковач има проблеми со составот, особено во одбраната. Поради повреди нема да настапат Нико Шлотербек и Емре Џан, додека неизвесен е и Карни Чуквуемека. Се очекува Борусија да настапи со тројца дефанзивци, а главна опасност во нападот ќе биде Серу Гираси.

Од другата страна, Баерн исто така направи неколку значајни промени во составот. Во Минхен пристигнаа Исмаел Саибари и Натаниел Браун, додека клубот го напуштија Леон Горецка, Рафаел Гереро и Николас Џексон. Најголемата грижа за тренерот Венсан Компани е Џамал Мусиала, кој ќе го пропушти натпреварот. Отсуството е превентивно поради неговите неодамнешни здравствени проблеми. Надвор од составот се и Серж Гнабри и Ленарт Карл, додека Хари Кејн се очекува да биде во тимот, но можно е да не одигра цели 90 минути.

Со оглед на ривалството, традицијата и квалитетот на двата тима, Суперкупот е идеална најава за новата сезона во германскиот фудбал. Борусија ќе има предност на домашен терен, додека Баерн ќе се обиде уште на стартот да покаже дека и оваа сезона има највисоки амбиции.