Бивш италијански шампион сака да го врати Елмас во Серија А

07 јануари 2025 - 14:43

Македонскиот репрезентативец Елиф Елмас наскоро би можел да го напушти бундеслигашот Лајпциг и да се пресели во редовите на Лацио.

Елмас беше важен дел од Наполи во минатото пред да се пресели во Германија на почетокот на 2024 година, но во редовите на Лајпциг не се прослави и поради тоа се шпекулира дека сака да се врати во калчолигата.

Поранешниот тим на Горан Пандев планира да испрати пoнуда до Лајпциг за шестмесечна позајмица не Елмас, а најверојатно истата ќе биде прифатена од бундеслигашот.

Елмас во кариерата играше за Работнички, Фенербахче, Наполи и Лајпциг.