Атлетико продолжи да ја брка Барса - победи со гол во финишот (ВИДЕО)

10 октомври 2026 - 18:21

Атлетико Мадрид со гол во самиот финиш не дозволи изненадување и на гости го совлада Алавес со 2-1 со што продолжи да ја „брка“ Барселона на врвот.

По иницијативата од почетокот на дуелот, Атлетико до водство стигна по половина час игра кога стрелаше Грималдо. Алавес сепак во самиот финиш од првиот дел кога се играше шестата минута од судиското продолжение дојде до израмнување и тоа со гол од пенал. Реализатор на најстрогата казна беше Аргентинецот, Лукас Бој.

Работите за домашниот состав станаа потешки со исклучувањето на Перез во 61-та минута. Но, и во таква ситуација со фудбалер повеќе на теренот избраниците на Симеоне имаа проблем да дојдат до ново водство.

Отпорот по вторпат го скршија во 87-минута кога погоди дефанзивецот Кристијан Ромеро. На табелата „јорганџиите“ сега имаат 19 бода, два помалку од Барселона која вечерва го игра својот натпревар против Гетафе.