Доминираа Жоао Педро и Хендерсон, Челси го торпедираше Борнмут! (ВИДЕО)

Домашниот состав многу брзо најави во каква насока ќе се движат работите откако во втората и третата минута Хендерсон и Роџерс стрелаа за 2-0. По фуриозниот почеток работите сепак се смирија и до крајот на првите 45 минути не видовме погодок.

Само што почна вториот дел Жоао Педро се погрижи за трет погодок во мрежата на гостинскиот состав. Бормут единствениот гол го постигна во 51-та минута преку Еванилсон.

Жоао Педро повторно стапи на сцена во 67-та минута кога со вториот гол зголеми на 4-1. Ветеранот Џордан Хендерсон исто така вторпат стрелаше на 20-тина минути пред крајот кога од слободен удар ги постави конечните 5-1.

На останатите средби, Астон вила и Брентфорд одиграа 2-2, Брајтон на гости славеше над Сандерленд со 2-0 и Ипсвич дома го совлада Фулам со 2-1.