Аталанта не ги искористи шансите, Јуве остана на 0-0 во Бергамо! (ВИДЕО)

01 октомври 2023 - 19:58

Јувентус може да биде среќен што го сочува голот и остана непоразен на патувањето во Бергамо, бидејќи Аталанта ги промаши најголемите можности да се променат почетните 0-0, кои останаа и финални.

Во дербито на седмото коло, Аталанта имаше и повеќе од реални шанси да врзе серија од три победи, но не успеа да ги материјализира можностите, главно во второто полувреме.

Во 74. минута, Муриел изведе одличен слободен удар, а Шчесни ја допре топката доволно за таа да се крене до пречката и да се одбие надвор од голот(погледнете го ОВДЕ). Шанса имаше и Копмајнерс, во 89. минута, но биеше над гол.

Овој бод не им направи услуга ни на едните ни на другите, бидејќи тапнаа во место, додека Интер, Милан и Наполи забележаа победи ова коло. Јуве падна на четвртото место, со 14 бода, колку и Наполи, а зад ривалите од Милано, кои имаат по 18. Аталанта исто така беше прескокната од тимот на Елиф Елмас и сега е петта, со 13 бода.