Анчелоти не треба да се грижи: Бразил ќе му понуди нов договор пред Мундијалот

26 јануари 2026 - 19:23

Претседателот на Фудбалскиот сојуз на Бразил, Самир Шауд кажа дека италијанскиот тренер Карло Анчелоти најверојатно ќе остане селектор по завршување на Мундијалот, кој ќе се одржи оваа година од 11 јуни до 19 јули.

Анчелоти во мај минатата година ја презема репрезентацијата на Бразил, а има договор со фудбалскиот сојуз до крајот на Светското првенство (СП).

„Преговорите се во тек, а двете страни се заинтересирани за продолжување на соработката. Продолжување на договорот пред почетокот на СП е важно за бразилскиот фудбал. Анчелоти за кратко време го потврди својот квалитет. Тој е совршен за репрезентацијата на Бразил“, соопшти Шауд.