Втор пораз на Вардар во Анталија, црвено-црните загубија од Динамо Махачкала (ФОТО)

26 јануари 2026 - 16:11

Вардар го доживеа вториот пораз во третиот подготвителен меч во Анталија, црвено-црните денеска загубија од рускиот премиерлигаш Динамо Махачкала со убеливи 0-3.

Рускиот тим беше значително поквалитетен од Вардар. Момците на Гоце Седлоски имаа само еден удар во рамките од голот на противникот, имаа и уште два шута кои беа непрецизни.

Динамо во првото полувреме даде два од погодоците, во вториот дел уште еднаш ја погодија вардаровата мрежа за конечни 3-0.

До крајот на подготовките во Анталија на Вардар му остануваат уште два натпревари, против рускиот Акхмет (29.01) и Алшкерт од Ерменија (02.02).