Aлонсо во проблем, дефанзивецот на Реал повторно се повреди

19 ноември 2025 - 16:17

Дефанзивецот на Реал Мадрид, Едер Милитао во настапот за Бразил на пријателската средба со Тунис заработл нова повреда и според најавите го чека пауза.

Милитао натпреварот кој се играше во Франција го заврши по еден час игра, а дуелот заврши без победник 1-1.

Од Реал Мадрид ja потврдија повредата и најавија дека Милитао ќе паузира околу две недели во кои ќе пропушти четири натпревари на „кралевите“.

За Реал посебно е загрижувачки што ова е уште една повреда во низата за дефанзивецот кој откако пристигна во 2019 година почесто е повреден отколку што е на теренот.