ЖФК Љуботен без пораз ја освои титулата во македонското првенство

31 мај 2023 - 22:01

Фудбалерките на ЖФК Љуботен зад себе имаат одлична сезона во која го освоија македонскиот Куп, а денеска ја одбранија и титулата во домашното првенство, откако во последното коло одиграа 1-1 против ЖФК Каменица Саса.

ЖФК Љуботен поведе со голот на Бразилката Харуми Гоја во 40. минута од натпреварот, а потоа гостите израмнија со гол во 76. минута.

Со ремито во последно коло, ЖФК Љуботен го заврши првенството со 54 бодови, односно три повеќе од ЖФК Каменица Саса.

Фудбалерките на тренерот Ивица Радоњиќ претходно го освоија и Купот со победата против Каменица Саса со 4-0.