Воска Спорт по победата над Борец, денеска совлада уште еден прволигаш

31 јули 2021 - 20:21

Новиот второлигаш Воска Спорт игра одлично во подготвителниот период, бидејќи веќе победи два прволигаши. Минатиот викенд го совлада Борец во Велес со 1-0, а денеска славеше и на гостувањето кај Македонија Ѓорче Петров со истиот резултат. 

Голот беше постигнат во 43.минута преку Бехар Фета по една одбиена топка од голманот на „лавовите“.

Работнички славеше против Каменица Саса со 3-1. Сите четири голови беа дело на „романтичарите“, бидејќи Максимов си постигна автогол, а во мрежата на тимот од Македонска каменица погодија браќата Лука и Марио Станковски, како и Тодоровски.

 Беласица и Борец одиграа 1-1 на контролниот натпревар одигран на стадионот „Младост“ во Струмица.