Вардар го поправи впечатокот од мечот со Динамо, одигра реми против Свонси!

27 јули 2024 - 15:03

За разлика од дуелот против Динамо Загреб во кој изгледаше немоќно, Вардар се покажа во значително подобро издание против Свонси на пријателскиот меч кој се играше во Австрија, дуелот заврши 1-1.

Вардар имаше водство по првото полувреме, голот го даде Дианеси во 21. минута од натпреварот.

Тој резултат беше актуелен до 62. минута кога Сонси изедначи на 1-1- преку Франко, тоа беше и конечниот резултат на натпреварот.

Ова беше прво реми во подготовките на Вардар, откако претходно ги победија Мура и Чарда Мартјанци, а загубија од Бистрица и Динамо Загреб.

По денешниот дуел, експедицијата на Вардар се враќа во Скопје. Во понеделник ќе го дознае и распоредот за новата сезона во домашното првенство, за тогаш е закажана ждрепката.