Вардар донесе и нов напаѓач, црвено-црните се засилија со Спахиу!

23-годишниот напаѓач во Вардар доаѓа од екипата на Тиквеш за која во изминатата полусезона даде четири голови на 18 натпревари.

Тој и минатата сезона беше во Тиквеш со кој го освои Купот на Македонија. Во ПМФЛ има одиграно вкупно 106 натпревари и постигнато 23 голови.

Спахиу има настапувано и за слекциите на Македонија до 19 и 21 година.

Претходно Вардар ги промовираше Димитар Тодоровски, Мите Цикарски, Михаил Маневски, Георгије Јанкулов и Михаил Пинтар како нови зимски засилувања.