Тиквеш засекогаш го повлече дресот на Лазаров – настрадан во пожарот во Кочани!

Тој настрада во ужасниот пожар во Кочани, во кој вкупно загинаа 59 лица, а повеќе од 150 беа повредени. Лазаров беше фудбалер на Шкупи каде што се врати летово од хрватска Горица, но претходно неколку сезони беше дел и од клубот од Кавадарци.

„Неговиот придонес за успесите на нашиот клуб е немерлив. Дресот со број 16, кој тој гордо го носеше, трајно се повлекува и ќе остане во клубските простории како вечен спомен“, соопштија од Тиквеш.

Клубот со оваа симболична одлука му оддаде последна почит на Лазаров, кој сезонава играше за Шкупи, истакнувајќи дека неговото име и наследство ќе живеат вечно. Ангелите никогаш не заминуваат – тие остануваат засекогаш во срцата на сите што ги паметат, потенцираат кавадарчани. Во текот на вчерашниот на плоштадот во Кавадарци беше отворена и книга на жалост во негова чест.