Тетекс ја среди Слога, Салији даде гол од 40 метри (ВИДЕО)

14 септември 2025 - 17:53

Поранешниот освојувач на Купот на Македонија, Тетекс викендов се врати на Градскиот стадион во Тетово и тоа го одбележа со победа во дуелот со Слога Виница.

Тетовци досега имаа само еден триумф, против Детонит во второто коло, а денеска го скршија отпорот на гостите по нешто повеќе од еден час игра. И тоа го направија на спектакуларен начин бидејќи Меритон Салији во 65. минута ја затресе противничката мрежа со удар од околу 40 метри, меѓу другото и поради лошата проценка на противничкиот голман.

Конечниот резултат го постави Даути во петтата минута од судиското продолжение, па Тетекс сега се наоѓа на деветтата позиција со шест освоени бода.