Сопствениците на Брера купуваат клуб од Серија Б

27 септември 2024 - 17:17

Газдите на Брера наскоро ќе раководат и со клуб од италијанската Серија Б. Од Брера со официјално соопштение потврдија дека испратиле писмо во кое ја потврдиле својата намера за купувањето клуб од вториот ранг на италијанскиот клуб.

Сопстениците кои ја поседуваат Брера имаат повеќе клубови ширум светот, но клубот од Серија Б би бил нивни најголем проект.

„Купувањето на клуб од италијанската Серија Б не само што го подигнува нашето портфолио, туку и ја нагласува нашата посветеност за успех. Веруваме дека оваа аквизиција ќе отвори нови патишта за инвестиции и добивање навивачи“, изјави извршниот директор на компанијата Пјер Галопи.

Засега нема најава кој клуб од Серија Б би станал сопственост во Брера, а од компанијата потенцираат дека наскоро ќе објават дополнителни информации.