Шелбурн од Ирска прва пречка за Работнички во младинската ЛШ

17 септември 2025 - 16:18

Покрај натпреварите во сениорска конкуренција во Лигата на шампионите кои се во фокусот на вниманието, вечерва натпревар од квалификациите за најелитното европско натпреварување во младинска конкуренција ќе игра Работнички.

Младинскиот шампион на Македонија ќе игра натпревар во Даблин, Ирска против екипата на Шелбурн во терминот од 20:45 часот.

Реваншот е закажан за 1 октомври во Скопје, а победникот од него ќе оди на пресметка во второто квалификациско коло против Жилина од Словачка.

Претходно учество во квалификациите за младинската ЛШ од Македонија имаа:  Шкендија (трипати), Вардар, Победа и Брера, но ниту една екипа не се израдува на победа.