Само бод за Македонија ЃП, Башкими ѝ даде пет гола на Каменица Саса

Ѓорчепетровци не успеаја да ја пробијат одбраната на Кожуф и покрај тоа што доминираа во најголемиот дел од мечот. Во финишот имаа неколку изгледни шанси за гол, но домашната екипа се покажа во одлично дефанзивно издание и не дозволи да се затресе нејзината мрежа.

Башкими ја победи Каменица Саса со 5-0 како гостин и сега е втора најефикасна екипа во Втората лига, зад Арсими со 43 гола. Кумановци се без пораз од ноември кога загубија од Детонит со 1-3, а зад себе ги оставија двата нерешени резултати по ред со кои ѝ овозможија на Македонија ЃП да избие на чело.

Арсими славеше на гостувањето кај Скопје со 2-0 и се вмеша во борбата за директен пласман во Првата лига, а губитник од ова коло е Брегалница која загуби со 0-1 на гости кај Вардар Неготино и сега има голема негатива во однос на ривалите.ѓ

РЕЗУЛТАТИ
Детонит - Борец 2-0
Скопје - Арсими 0-2
Каменица Саса - Башкими 0-5
Кожуф - Македонија ЃП 0-0
Новаци - Победа 0-0
Осогово - Беласица 0-0
Вардар Неготино - Брегалница 1-0
Вардарски - Охрид 3-0

ТАБЕЛА: Македонија ЃП и Башкими по 53 бода, Арсими 51, Брегалница 48...