Од Чаир во Струмица: Руатубјаје од Руанда остана во ПМФЛ

11 септември 2024 - 18:11

По изненадувачката разделба со екипата на Шкупи, Абдул Руатубјаје од Руанда потпиша договор со Брера.

Дефанзивецот кој го носеше дресот на Шкупи во два мандати и освои титула во 2021 година сега ќе игра во Струмица.

Руатубјаје се врати во неговата Руанда во Рајон Спортс во 2022 година, а во февруари оваа година повторно потпиша за Шкупи каде и што ја започна актуелната сезона.

Изненадувачки си замина еден ден по натпреварот против Силекс кога одигра и цел натпревар. Станува збор за фудбалер кој е и репрезентативец на Руанда за која на 33 натпревари постигна три гола.