Навивач на Башкими удри играч на Саса, судијата не сакаше да го прекине мечот! (ВИДЕО)

23 септември 2023 - 21:44

Башкими и Каменица Саса денеска одиграа нерешено (2-2), меѓутоа резултатот падна во втор план затоа што на теренот влезе навивач кој удри гостински фудбалер, а судијата не сакаше да го прекине натпреварот.

Во 89. минута од натпреварот во Куманово еден навивач влезе на теренот и со вода испрска фудбалер на Каменица Саса, по што го турна на тревникот. Гостинските играчи излегоа од теренот, но судијата набрзо им нареди да се вратат на теренот затоа што постоеле услови за игра.

Инцидентот од натпреварот може да се погледне на 2.18.40 од видеото во продолжение.