Младинците на Брера со дебакл во Германија го завршија настапот во ЛШ

04 ноември 2026 - 21:24

Младинците на Брера Струмица го завршија настапот во Лигата на шампионите со убедлив пораз од германскиот Хофенхајм, кој на реваншот славеше со 9-0.

По домашниот пораз од 0-3, струмичкиот тим доживеа уште потежок пораз на гостувањето во Германија, па двомечот го заврши со вкупни 0-12.

Крамер и Хасфелд постигнаа по два гола за германскиот тим, додека во листата на стрелците се запишаа и Крета, Дугду, Бругман, Мес и Појатос.

И покрај убедливата елиминација, Брера има причина да биде горда на својот настап. Струмичани испишаа историја со првата победа на македонски клуб во младинската Лига на шампионите, а успеаја и да минат едно коло во ова натпреварување.