Македонскиот претседател ги слушна сите маки на најстариот клуб во земјава!
Љуботен е формиран во 1919 година и е најстар македонски клуб, неодамна влезе во друштвото на стогодишниците и претседателот на државата сега се сретна со поранешните играчи на овој клуб Бошко Василевски и Дуле Јовановски, а од капитенот и претседател на клубот Дејан Савески ги дозна горливите проблеми, пред се немањето на свој стадион.
„Еден век ФК Љуботен. Особено ми беше чест што вчера го посетив клупското бифе и промуабетивме со поранешните играчи во клубот. Бошко Василевски и Дуле Јовановски се навратија на спомените од младоста, но и се потсетија дека условите во коишто тогаш играле биле далеку подобри од сегашните. Лице в лице со мене, капитенот и сегашен потпретседател на клубот, Дејан Савески вели дека најголем проблем за клубот е што нема сопствен стадион“, објави Пендаровски.
Останува да се види дали првиот човек на државата ќе се обиде да му помогне на најстариот клуб за да ги реши проблемите и во иднина Љуботен да има многу поактивна улога во македoнскиот фудбал од таа што ја има моментно.