По четири години, Марио Младеновски се враќа во македонската репрезентација

12 септември 2026 - 11:53

По одличниот старт на сезоната во дресот на Вараждин, дефанзивецот Марио Младеновски се најде на поширокиот список на фудбалери на селекторот Гоце Седлоски за претстојните четири натпревари од Лигата на нации кои ќе се играат пред крајот на септември и почетоот на октомври.

Тоа ќе биде враќање во националниот тим за 26-годишниот фудбалер  кој дебитираше на само 19-годишна возраст, на квалификациски натпревар против Австрија, а потоа играше само уште против Саудиска Арабија во 2022.  Ова значи дека тој се враќа во националниот тим по пауза од безмалку четири години и ќе го очекува својот трет настап во црвено-жолтиот дрес.

Македонија ја очекуваат четири дуели во период од само десет дена од кои два против Швајцарија и по еден со Словенија и Шкотска.

Седлоски најави дека за овие натгпревари ќе објави список од 30-тина фудбалери со оглед на тоа што се работи за згуснат распоред кој очигледно ќе ги исцрпи играчите и ќе биде потребна подолга ротација.