Комити бесни на управата: Седлоски не смее и нема да биде тренер на Вардар (ФОТО)

05 ноември 2024 - 14:11

Именувањето на Гоце Седлоски за нов тренер на Вардар, прво официјализирано денеска преку новиот клупски профил на Твитер, предизвика лавина реакции во спортската јавност, пред се кај навивачите на најголемиот македонски спортски бренд, кои речиси стоотстотно се разочарани од ваквата одлука на управата.

Најверните вардарови навивачи, членовите на Комити, дури и излегоа со соопштение во кое потенцираат дека поранешниот репрезентативец и тренер на црвено црните никако не смее да биде наследник на Срѓан Захариевски. Како најголем греб му се зема работата во тимот на Шкупи, но и фактот што во 2017 година, наводно, бил избркан од Вардар поради сомнително работење.

Никогаш нема да ти биде простено, е пораката која Комити ја упатија до новиот тренер Седлоски.