Илчо направи чистка во Штип - Брегалница откачи седум фудбалери
Брегалница откачи еден голман и по тројца фудбалери во одбраната и средниот ред, а штипјани најавија комплетно преструктуирање во играчкиот погон, нови засилувања, со кои клубот би играл поважна улога во следната сезона и би се бореле за излез во Европа.
Од Брегалница си заминува голманот Илче Петровски, потоа дефанзивците Наумче Бакрачески, Филип Миленковски и Хрватот Диего Живулиќ, како и играчите од средниот ред Владимир Дујовски, Бобан Георгиев и Кристијан Ацковски.
Со сите овие не е договорена понатамошна соработка и не им се понудени нови договори.
„Секој од фудбалерите со кои ја завршуваме соработката силно е врежан во историјата на клубот. Затоа искрено им заблагодаруваме на досегашниот нескриен придонес за резултатите и развојот на клубот, притоа посакувајќи им многу среќа и здравје низ натамошниот дел од кариерата“, рече спортскиот директор Никола Тонев.