Дисциплинска постапка за делегатот на мечот меѓу Шкендија Арачиново и Преспа

23 февруари 2026 - 15:43

Фудбалската екипа Преспа реагираше по гостувањето кај Шкендија Арачиново, по што мерки презема и Дисциплинската комисија на ФФМ. 

Дисциплинската комисија констатира дека одлуката на делегатот на натпреварот за изрекување опомена поради националистички скандирања е исправна, како и одлуката на судијата за привремен прекин на натпреварот. 

„Дисциплинската комисија отвора постапка против делегатот на натпреварот ФК ШКЕНДИЈА Арачиново – ФК ПРЕСПА поради недоставување на релевантни факти во врска со ситуацијата околу поставувањето на државното знаме на стадионот, како и други околности поврзани со организацијата и текот на натпреварот, односно присуство на неслужбени лица на теренот за време на натпреварот“, соопшти ФФМ.