Минхенската „деветка“ му пресуди: Адеми и Ристовски останаа без тренер!

19 септември 2024 - 10:42

Динамо Загреб имаше кошмарен почеток на Лигата на шампиони (ЛШ) бидејќи во првото коло загуби со 2-9 на гостувањето кај Баерн Минхен, па поради тоа падна првата „жртва“ во хрватскиот шампион.

Сергеј Јакировиќ го напушти кормилото на Динамо Загреб, па така македонските интернационалци Стефан Ристовски и Аријан Адеми останаа без тренер на самиот почеток на сезоната.

Членовите на Динамо уште во средата разговарале за иднината на Јакировиќ, а „24сата.хр“ објави дека тој повеќе не е тренер на гигантот од Загреб.

Главен кандидат за кормилото на Динамо е поранешниот тренер на Баерн Минхен, Нико Ковач, иако како опции се споменуваат и Жељко Сопиќ и Игор Јовичевиќ.