Хрват ќе ја води Рома по заминувањето на Де Роси?

18 септември 2024 - 13:27

Даниеле Де Роси од утрово повеќе не е тренер на Рома, клубот од Рим одлучи да се раздели со Италијанецот поради лошите резултати од почетокот на сезоната.

Наводно, веќе е познато и главниот фаворит за нов тренер на „волчицата“. Првично се шпекулираше со Масимилијано Алегри и Стефано Пиоли, но сега најголем дел од новинарите и медиумите пренесуваат дека Иван Јуриќ е првиот фаворит.

Според информациите хрватскиот стратег е блиску до потпис на договор до јуни 2025 година, а во договорот би имало опција за автоматско продолжување со пласман во Лигата на шампионите.

Јуриќ е без ангажман од текот на летото кога одлучи да го напушти Торино. Претходно ги водеше Верона и Џенова.