Скандал во Загреб: Хокеарите на Ц. Звезда ограбени среде натпревар - останале по гаќи!

Според информациите на српските медиуми, инцидентот се случил во текот на третата третина од мечот, кога непознати лица насилно влегле во соблекувалната на гостинскиот тим и ги однеле тренерките и јакните со обележја на Црвена звезда. Освен облеката, биле украдени и еден пасош и мобилен телефон. Околу еден час по завршувањето на натпреварот, украдената облека била вратена во кеси, но засега нема информации дали се вратени и пасошот и телефонот. Поради тоа, не е познато дали белградскиот тим без проблеми се вратил во Србија.

И покрај инцидентот надвор од мразот, Црвена звезда на теренот одиграла одличен натпревар и славела убедлива победа од 6-1, со што дополнително се зацврсти на третото место во регионалната лига.