Синер го декласира Циципас и ќе се бори со Ѓоковиќ за финале на „Шест кралеви“

15 октомври 2025 - 21:38

Италијанскиот тенисер Јаник Синер немаше милост за Гркот Стефанос Циципас, односно го декласира со 2-0 во сетови (6-2 и 6-3) на турнирот „Шест кралеви“ во Саудиска Арабија.

Циципас не успеа да му парира на Синер, кој очигледно е неколку класи над ривалот од Грција, а тоа го покажа во првиот сет кога му дозволи да освои два гема (6-2).

Синер играше идентично и во вториот сет, каде што Циципас освои еден гем повеќе (6-3), но се збогува од турнирот.

Вториот тенисер на АТП-листата во полуфинале на турнирот ќе се соочи против Новак Ѓоковиќ.

Фото: EPA