Швјонтек по поразот во полуфиналето на ЛОИ: Плачев шест часа!

09 август 2024 - 15:02

Полската тенисерка Ига Швјонтек го освои бронзениот медал на Летните олимписки игри (ЛОИ) во Париз, но призна дека е разочарана што не стигнала до златото.

Швјонтек не можела да се смири по поразот од Чинвен Женг во полуфиналето на ЛОИ и откри дека плачела шест часа без престан.

„Плачев шест часа без престан по поразот. Ми требаа неколку дена да се соочам со неуспехот. Ми беа измешани чувствата - радост за бронзата, тага, разочарување. Жал ми е што не го освоив златото“, кажа Швјонтек.