Шокантна изјава на Зверев: Ние сме спортисти, малкумина од нас имаат мозок (ВИДЕО)

Зборувајќи со Алекс Кореча по неговата победа во четири сета над Јакуб Меншик во полуфиналето, германскиот тенисер одговори на прашањето како се справува со притисокот. Кореча праша што му се случува во главата кога излегува на теренот, а одговорот на Зверев ги остави сите подзинати.

„Тоа е празнина. Се обидувам целосно да ја испразнам главата и да не размислувам за ништо. Искрено, ние сме спортисти, малкумина од нас имаат ништо во главата. Понекогаш е полесно само да изгледаш глупаво и да не размислуваш премногу“, рече Зверев.

Познатата Ализ Корне, која го следеше сето ова на француската телевизија, воопшто не беше задоволна.

„Апсурдноста на оваа изјава... Всушност сум изненадена. Да се ​​каже дека спортистите немаат мозок. Во ред, тој зборува за себе, но сите нè стави во ист кош. Сериозно, кога ќе размислите малку повеќе, лудо е да се каже нешто такво на централниот терен. Тоа е таков недостаток на почит кон играчите, кон спортистите... Ако сакаше да биде смешен, не успеа“, рече Французинката.

За спортистите ионака постои стереотип дека не се премногу паметни затоа што целиот живот го посветиле на тренинзи и подготовки, без многу време за учење, но сепак изјавата на Зверев е шокантна бидејќи особено тенисерите важат за пообразовани. Германецот ќе се бори за првиот Гренд слем трофеј во кариерата в недела против Флавио Коболи, на кого Матео Арналди му го предаде мечот.