Се чека реакцијата на Ѓоковиќ: Димитров цело време знаел дека е заразен со Ковид-19!? (ВИДЕО)

22 јуни 2020 - 10:27

Бугаринот Георги Димитров е позитивен на Ковид-19, поради што синоќа не се одржа задарското финале од „Адриа тур“, а уште најмалку тројца се исто така позитивни на коронавирусот.

На социјалните мрежи утринава на големо се шпекулира дека бугарскиот тенисер цело време знаел дека е заразен и тоа поради неговото однесување на теренот. На снимката која кружи на интернет, може да се види како Димитров одбива да се ракува како сите останати, односно дека со противникот и судијата се поздравува само со лакот.

Новак Ѓоковиќ одби да се тестира во Хрватска и планира да го стори тоа денеска во Белград, пред сѐ поради честите контакти со Димитров надвор од тенискиот терен како и поради позитивниот тест на неговиот кондициски тренер, Марко Паники.