„На Новак му беше извршен атентат со 50 куршуми директно во гради!“

16 јануари 2022 - 10:13

Меѓу најразочараните од конечната одлука за депортација на Новак Ѓоковиќ од Австралија, а со тоа и со неговото неучество на гренслем-турнирот во Мелбурн, разбирливо, беше неговиот татко Срѓан.

Тој беше максимално револтиран по одбивањето на жалбата за поништување на визата од страна на федералниот суд, по што имаше ептен остра објава на Инстаграм.

„Со ова, заврши обидот за атентат врз најдобриот светски спортист и тоа со 50 куршуми во градите на Новак. Но и покрај тоа, тој му даде поддршка на младиот 17-годишен тенисер кој ќе го замени. Ете, тоа е нашиот Ноле, човек, брат. Се гледаме во Париз (алудирајќи на Ролан Гарос-н.з.)“, напиша Срѓан Ѓоковиќ.

Најдобриот светски тенисер доби налог уште вечерва по австралиско време да ја напушти државата и тоа без можност да преспие по исцрпувачкиот ден во судот и пеколната недела во која двапати му беше поништувана визата.