Медведев против Зверев во второто полуфинале на турнирот во Пекинг (ВИДЕО)

02 октомври 2023 - 20:24

Александар Зверев и Даниел Медведев ќе се сретнат во второто полуфинале на турнирот во Пекинг, откако на речиси идентичен начин се најдоа меѓу четворицата најдобри, заедно со Карлос Алкараз и Јаник Синер, кои меѓу себе ќе решат кој ќе игра во финалето.

Медведев, кој е втор носител, за нешто повеќе од два часа игра го скрши отпорот на францускиот тенисер Уго Умбер (6-4, 3-6, 6-1). Сличен меч за речиси идентично време одигра и Зверев, кој, пак, беше подобар од Чилеанецот Никола Јари (6-1, 6-7, 6-4).

Полуфиналните пресметки во Пекинг се играат утре.