Македонија има водство во важниот меч против Молдавија

12 јуни 2025 - 13:16

Македонската тениска репрезентација поведе во дуелот од третото коло против Молдавија со 1-0 откако Стефан Мицов успеа да го победи Андреј Горбан со 2-0 во сетови (6-3 6-4) во меч што траеше 97 минути.

Мечот меѓу Мицов и Горбан имаше необичен почеток бидејќи во првите пет гема имаше исто толку брејка, потоа Македонецот успеа да го крене нивото за разлика од противникот и да го добие сетот со 6-3.

Во вториот сет Мицов зема еден брејк при водство од 5-4 и го доби сетот со 6-4 за победа од 2-0 и водство за Македонија против Молдавија.

Во вториот меч за Македонија настапува Калин Ивановски, противник му е Илја Снитари.

Во мечот во двојки се пријавени Ивановски и Мицов, а за Молдавија Андреј Киумак и Снитари.