Младинците со две контроли во Варшава ќе го дочекаат настапот на СП 2025!

13 јуни 2025 - 11:23

Машката младинска ракометна репрезентација на Македонија денеска заминува на пријателски турнир во Варшава, каде што ќе одигра два контролни натпревара против Саудиска Арабија и Јапонија.

Овие натпревари се дел од подготовките за Светското првенство за ракометари до 21 година, кое ќе се одржи во Катовице. Македонија на овој Мундијал е дел од групата Ф, заедно со селекциите на Исланд, Фарски Острови и Романија. Репрезентацијата на овој турнир ќе настапи без повредените Самоил Ристовски и Дамјан Митев, кои ќе го пропуштат првенството.

Од Ракометната федерација на Македонија изразија гордост и поддршка за младите надежи, кои во Полска ќе имаат можност да ги потврдат амбициите и формата пред најголемиот младински ракометен настан во годината.

РАСПОРЕД НА НАТПРЕВАРИТЕ

18 јуни 2025, 14:00 часот – Македонија - Фарски Острови

19 јуни 2025, 14:00 часот – Македонија - Романија

21 јуни 2025, 14:00 часот – Исланд - Македонија