Лудо финале во САД: Не искористи три меч топки, па плачеше по поразот (ВИДЕО)

28 јули 2025 - 11:31

Алекс де Минер триумфираше на АТП турнирот од серијата 250 во Вашингтон, откако по голема драма во финалето го совлада Шпанецот Алехандро Давидович Фокина (5-7, 6-1, 7-6), во меч што траеше над три часа.

За Фокина, ова беше уште едно болно финале – четврто во кариерата, а трето загубено годинава и тоа повторно откако не искористи меч-топки. Сценариото наликуваше на она од Делреј Бич, каде што на почетокот од годината загуби од Миомир Кецмановиќ во слични околности. Иако имаше водство од 5-2 во одлучувачкиот сет, па и шанса да сервира за победа при 5-3 со предност од 30-0, Давидович Фокина не успеа да го затвори мечот. На 5-4 пропушти три меч-топки и во тај-брејкот потклекна под притисокот, дозволувајќи му на Австралиецот да дојде до својата десетта титула во кариерата.

По крајот на мечот, Де Минер не само што ја прослави победата, туку и покажа спортска големина, тешејќи го видно разочараниот Шпанец.