Ивановски го „нокаутира“ најмладиот од браќата Циципас!

25 јуни 2026 - 12:28

Македонскиот тенисер Калин Ивановски се пласира во четвртфинале на турнирот во Загреб, откако денеска славеше со 2-0 во сетови против Гркот Павлос Циципас.

Првиот сет понуди голема борба меѓу двајцата тенисери, при што победникот беше решен во тај-брејк каде што Ивановски славеше со 10-8.

Ивановски на стартот на вториот сет пропушти две брејк-топки, но потоа заигра подобро и во 11. гем му го одзема сервисот на ривалот за на крајот да слави со 7-5.

Македонецот во следната рунда ќе се бори против подобриот од мечот меѓу Трембли и Баранко Косано.

Победа оствари и вториот македонски репрезентативец Приходко, кој славеше со 2-1 во сетови против Секачов.