Ѓорческа запрена во полуфиналето на фјучерсот во двојки во Грузија

03 мај 2025 - 14:28

Македонската тенисерка Лина Ѓорческа го заврши настапот во двојки на турнирот во Грузија откако денеска со својата партнерка Екатерини Горгодзе беа поразени со 2-0 во сетови од Рутаје Босале од Индија и Пеги Мари Хуриган од Нов Зеланд.

Првиот сет донесе голема борба и неизвесност, па се решаваше во тај-брејк Босале и Хургиан беа подобри со 8-6.

Во вториот сет Ѓорческа и Горгодзе освоија само три гема, па така не успеа да дојдат до финалето.

Мечот траеше еден час и 36 минути, турнирот во Лопота се игра за вкупен награден фонд од 40.000 аамерикански долари.