„Ѓоковиќ избегал од Србија поради режимот на Вучиќ“

11 септември 2025 - 15:13

Најдобриот српски тенисер Новак Ѓоковиќ реши да го напушти Белград и да се пресели во Атина, а британскиот медиум „Дејли Мејл“ пишува дека главна причина за тоа е претседателот на државата, Александар Вучи.

Ѓоковиќ ги запиша своите деца во училиште во Атина, а семејството веќе си најде нов дом во Грција и наводно Србинот наскоро ќе побара „златна виза“.

Британскиот медиум пишува дека Ѓоковиќ избегал од режимот на Вучиќ, зашто бил под жесток притисок откако им даде поддршка на студентите.

Турнирот од Белград, исто така, беше преселен во Атина и ќе се игра на почетокот на ноември.