Финале пред финалето на УС Опен - Синер против Медведев

04 септември 2024 - 15:47

Многу дилеми околу освојувачот на титулата на УС Опен би можеле да бидат решени вечерва кога во Њујорк ќе се одигра веројатно најинтересниот натпревар на целиот турнир.

Ѓоковиќ и Алкараз испаднаа во раната фаза, Синер немаше многу тежок пат до четвртфиналето, па вечерашниот дуел на Италијанецот против Данил Медведев многумина го окарактеризираа како финале пред финалето. Од другите тенисери кои останаа во конкуренција, најдобропласиран е Де Минор, на десеттото место, што го прави победникот од дуелот меѓу Синер и Медведев апсолутен фаворит за титулата.

На последните пет меѓусебни пресметки, Синер оствари четири победи, но Медведев славеше на Вимблдон по голема борба со 3-2. Мечот се игра вечерва, во 2:30 часот по полноќ.