Ептен чудно: Ѓоковиќ тренираше со тенисерот против кого и ќе игра на „Ролан Гарос“!

Најдобриот тенисер на денешницата, Новак Ѓоковиќ, денеска нешто после пладне ќе го одигра својот меч од осминафиналето на „Ролан гарос“ и тоа против едно од најголемите изненадувања досега на турнирот, Хуан-Пабло Вариљас (Перу), кој е дури 94. на АТП-листата.

Три часа пред овој дуел, Србинот направи нешто што е невообичаено за другите конкуренти, а тоа е тренирање токму со денешниот противник, како своевидно загревање за пресметката. Вакво нешто е речиси незамисливо за другите тенисери, но за Ѓоковиќ полеска станува вообичаено, со оглед што ваква проверка имаше и со Александар Ковачевиќ (САД) пред нивната пресметка на стартот од гренслем-турнирот во Париз.

Ако српскиот ас го мине пречката од Перу, тогаш за пласман во полуфиналето ќе ги одмери силите против подобриот од средбата помеѓу Карен Хачанов и Лоренцо Сонего.